香港有邊度好玩?

Hong Kong Hiking Web: 行山路線 Hiking Trails: 離島 Outter Islands: 長洲 Cheung Chau: 香港有邊度好玩?
   By 文女 on Tuesday, June 15, 1999 - 10:12 pm:  Edit

多謝各有心的網友推介好玩既地方比我, 聽日我又要出動
去搵好玩既地點, 搵到左再介紹比大家,希望大家鍾意, 經濟
不景, 冇錢出國, 香港都有好多好玩既地方架~~~~~~~~~開心下啦!!
人人都去過長洲啦, 但係你識得去邊度玩? 唔通一日到黑匿埋響渡假屋
咩野咩? heee~~~應該要周圍去行下既. 今日勁介紹長洲, 你可能唔知
既好玩地點, 唔好話自己去得多就唔睇呀!!

長洲, 係一個啞鈴咁既小島 , 要分開三部分黎玩
第一部分係長洲既中心點, 即係碼頭附近到東灣呢個沙灘到北帝廟
第二部分係背向碼頭的左面, 即是長洲既北面, 由北帝廟再上
或沿單車徑到大貴灣
第三部分係右面啦, 由天福亭直到西灣, 張保仔洞果便

我土生土長於長洲, 諗起長洲就諗起將佢分做三截架喇~~~
原諒我, 阿門


想舒舒服服行下, 有老人家咁,就最好行第一部分. 落船後, 沿住海旁
左面行, 會見到好多食肆, 有海鮮食, 揀o岩邊款, 買去任何一間就會
幫你整架喇. 唔買都得架, 去食果皮蒸泥魚孟 , 飲番杯啤酒, 好美味啊!

過少少係一個公園仔, 呢度以前係海黎既, 填左出黎多左好多地方,
前面好大既球場就係最出名既北帝廟球場, 球場上面就係北帝廟囉,
黎拜神求枝簽, 北帝爺會保佑你呀! 堶惘釦滮W方寶劍,聽講係宋帝丙
逃亡時留低響長洲既, 後來唔見左, 但又唔知點解響海度搵番,
撈番上黎, 長洲居民用佢黎辟邪架!

睇完北帝廟, 行番出海皮, 如果鍾意踩單車既朋友, 可以響北帝廟
附近租單車玩, 沿住海旁一路向前, 唔係向碼頭果便呀. 係向碼頭
既相反方向,行又得, 踩又得, 係家樂徑黎. 行冇耐, 你會見到一間
冰廠, 犀利喇, 呢間廠都有左好多年, 我出世時都有架喇, 肯定多過
廿年呀~ d冰一舊舊由廠輸出到弧形既滑梯, 半空中見到舊冰經過,
一路滑到船旁, 都幾得意既. 再行上d, 有一條斜路, 嘩,片單車好玩呀
一衝落黎既感覺好正, 不過小心撞到人, 好多人行既呢度. 上左條
斜路, 有三條路, 第一條通向發糞池廠, 前面有個石墩, 可以爬出去
坐響石度談心, (唔曬既話)釣魚, 望住個大海, 又冇人見到你喎, 幾正
架~~哈哈~~~
唔落去? 得, 繼續前行啦. 有一條路通向屋村, 你唔好行喇, 冇乜好睇
行大路落去海灘, 雖然唔游得水, 但都有人入黎曬太陽.
先係會見到一個細沙灘, 有電纜架, 哈~~唔信你去搵下,一大舊包住架.
第二個沙灘好d, 我試過釣魚, 有石九公同釘公, 唔想釣,執下貝殼囉......
有d都幾靚既.
再行入d, 有好多樹叢, 我見過大大隻既變色龍同埋草籠, 過癮呀!~~哈
總之, 寫寫意意咁行一個大圈, 當行大運咁行, 響涼涼既天氣, 會非常舒
服既.

行番出去, 經過番北帝球場, 前行有間幾大既食肆, 大家可以去食碗魚蛋粉,
飲杯野醫肚, 然後向東灣進發.
長洲既特式係四通八達, 所謂條條大路通羅馬, 想去東灣, 行食肆旁既小路去
經東堤小築又得, 沿大街, 行到分乂路口, 見一間租影碟鋪, 轉出去就會到東灣
架喇, 黎呢度游龍舟水, 玩下沙, 會係端午節既最佳節目. 沙灘旁邊有間酒店
,叫做華威酒店, book間有海景既房住, 幾浪漫呀, 幾百蚊至一千蚊左右一晚,
有興趣打去問問, 我都唔係咁清楚架. 沙灘旁邊係一間醫院, 下面有一個遊樂
場, 有唔少我童年走過玩過留低既痕跡架~~~
好囉.......行番出去碼頭, 要揀行海浴場對住果條路, 因為有d好特色既鋪頭
例如: 畫店, 貝殼店, 古靈精怪既裝飾品店, 機鋪, 食肆, 唔錯架,多野睇
好喇, 口水乾, 講住咁多先, 係旅遊長洲既 part 1, 續集等等.

睇完上面既介紹, 你如果對我之前既好玩地方1,2,3 有興趣既話, 可以
e-mail比我, 又係果句, 想大家開心, 工作讀書咁大壓力, 希望你地會輕
鬆下, 周圍去玩下, 有好玩既地方介紹番比我, 我會好開心架~~~~~


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration