行山以改變性格嗎?(2)

Hong Kong Hiking Web: 相關興趣 Related Interest: 感覺 Feelings: 行山以改變性格嗎?(2)
   By h h s (Park) on Friday, May 05, 2006 - 6:06 am:  Edit

"行山以改變性格嗎?"我見冇得回覆.
行山之後,性格我係有變,有TEAM WORK精神,開始會諗人0地0既感受.同埋會關心大自然.發現香港仲有好多好0野,唔會有"外國嘜都好過香港"0既諗法.(依加我有唔少朋友仲係咁諗--佢0地都冇行山)
其他人有冇改變性格我就唔知,以我幾年行山經驗,同朋友行山就知呢個朋友係咪交得過.我有朋友以"天黑下山危險"為理由,佢行得好快,快過我成個山頭,我係山上唔知點落山0既時間,我見佢行得好快咁行0左好遠,我冇打電話叫佢返來教我點落山,我自己諗計點落山,最後都冇事結果我以後我冇同佢行山.(如果賣甩0左我,得我一個人天黑下山,係咪佢個人安全重要d?)
有一次我發起去行山,有個朋友一落車就當佢自己係領隊,地圖同詳細資料都係我度,佢嘜都唔知,點知佢一落車就走去密林,2個朋友同佢一齊DIN,我同佢講數,點知佢話:果度我之前行過.即係叫我唔好去,跟佢去剷林.
佢係亂咁行,好危險,真係出0左事打999都唔知點講自己係邊度.所以我堅持一個人行大路.(果頭仲要係ii黑點)
行完之後我0地好彩冇出事,之後佢仲話返我轉頭,仲話唔跟佢行,責任自付.平時同佢行街食飯就冇事,一行山就知道晒佢0既真實0既一面.
依加香港好多郊外地方都好多垃圾,如果行山以改變性格,就唔會有咁多垃圾.
有d人,(我都係)玩行山就會加強環保意識,但依加仲有好多人冇變過.
反而我覺得行山可以睇到朋友0既性格.有d朋友行山會對朋友好好,會關心人照顧人.(平時出街玩未必有機會比d"好人"發揮佢0地0既優點)有d平時"冇0野"0既朋友就會發揮到"自私"0既一面,亂丟垃圾,唔理隊友,破壞自然環境...........


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration