帶刀行山會否被控?

Hong Kong Hiking Web: 相關興趣 Related Interest: 其他 Others: 帶刀行山會否被控?
   By jason on Tuesday, April 16, 2013 - 5:56 pm:  Edit Posted From: 14.199.146.234

http://item.taobao.com/item.htm?spm=a1z10.1.w17598228109.2.Wh7o2e&id=13297699662
呢個算5算武器???我同學在鴨寮街都買到wo......無刀片得一個鐵片(5mm厚)。。。可以保管嘛?

   By 小肯肯 on Tuesday, April 20, 2010 - 10:04 am:  Edit Posted From: 203.198.145.28

結果係好多人都有個錯誤的觀念,以為只要刀刃唔長過某一個數,或者係唔係馮係Rambo刀就係違禁品,如果係,行山舖就唔可以show晒出黎啦。

要知道違禁武器同攻擊性武器係法律上係有兩個定義,根據217章武器條例4條:
任何人管有違禁武器,即屬犯罪,可處罰款$10,000及監禁3年。

根據217章附表:
違禁武器(包括)
中國式飛鏢
重力刀
重力操作鋼棒
指節套,不論是否有尖釘及是否有刀刃
附有手柄的鐵鏈
彈簧鋼棒
任何以彈簧或其他機械或電動裝置露出刀刃的刀 (由1990年第394號法律公告增補)
任何有刀刃或尖端的武器,其設計是在使用時以拳頭緊握手柄,而刀刃或尖端則從拳頭指縫間突出 (由1990年第394號法律公告增補)

所謂指節套,即係鐵蓮花,而「任何有刀刃或尖端的武器,其設計是在使用時以拳頭緊握手柄,而刀刃或尖端則從拳頭指縫間突出」係握式刺匕,大約如下:

http://www.blackhawk.com/product/XSF-Micro-Plain,689,35.htm

(握柄可以係直向或橫向,此種刀一定係用於攻擊/刺擊,沒有其他用途。)

要小心既係蝴蝶刀,因為係計算在重力刀的範圍,所以都係犯法

上表無提的刀刃,包括Rambo刀,匕首,摺刀(包括one hand),都不屬違禁武器,大部份人士攜有這類刀「未必」犯法,因刀具用途除了近衛,還包括急救、破除柴枝、開罐頭食品、生火及切割繩索等,而且不具有特然伸出、彈出等侵害特性,只屬攻擊性武器。

根據245章公安條例第2條:
“攻擊性武器”(offensive weapon) 指任何被製造或改裝以用作傷害他人,或適合用作傷害他人的物品,或由管有或控制該物品的人擬供其本人或他人作如此用途的任何物品;

不要再誤以為只有刀刃/整把刀長過某一個數,有否開鋒等作標準,只要係刀都係攻擊性武器,你帶巴界刀出街都可以係攻擊性武器,小至一支針/針筒都可以係攻擊性武器。

但係攻擊性武器點入罪,根據245章在公眾地方管有攻擊性武器:

(1) 任何人如無合法權限或合理辯解而在任何公眾地方攜有任何攻擊性武器,即屬犯罪,一經循簡易程序或公訴程序定罪,可按第(2)款指明的方式判處刑罰。 (由1978年第27號第2條修訂)

重點係合理辯解,行山帶巴刀係無可厚非的(合理辯解),而且係有用時先取刀出黎(如切割傷口、開罐、扎營等),除非閣下真係成日將把刀亮出黎或者生得比較正氣,否則警察係沒有合理疑點下一般都唔可以搜身。

另根據228章簡易治罪條例17條:

任何人管有任何腕銬或其他為束縛人身而製造的工具或物件,或管有任何手銬、指銬、攻擊性武器、撬棍、撬鎖工具、百合匙或其他適合作非法用途的工具,意圖將其作任何非法用途使用,可處罰款$5000或監禁2年。

重點係意圖將其作任何非法用途使用,根據普通法,呢一點要由警方/檢控方去證明你有罪,唔係你去證明你無罪。

話雖如此,各位行山都係唔好帶大刀,除非要露宿或露營,一般行山好少會遇到蛇或獸(就算係你都出唔切把刀,用行山棍好過),另要防狼,三五成群總好過一支公行。

   By 山貓 on Sunday, October 01, 2006 - 7:25 pm:  Edit

各路英雄請指教

   By 田雞頭 on Sunday, October 01, 2006 - 8:36 pm:  Edit

甚麼刀?有幾長?作何用途?

生果刀,四吋長,批生果用?
開山刀,廿四吋,開林徑用?
其他刀,十幾吋,防ii傍身?

   By 山貓 on Monday, October 02, 2006 - 5:17 pm:  Edit

那當然不是生果刀,如開山刀匕首之類,作何用?視乎情況但絕不會用作打劫

   By 山貓 on Monday, October 02, 2006 - 5:29 pm:  Edit

那當然不是指生果刀。我是指如開山刀匕首之類。作何用?視乎情況而定。但絕不會用作非法用途,但如在街上被Police 截查有機會被控藏有攻擊性武器?

   By messhong on Monday, October 02, 2006 - 9:45 pm:  Edit

呢的野我諗有排坳.
什至, 你真係用把刀反抗.對方受傷
咁又會唔會被檢控呢??!!!

   By 路過 on Monday, October 02, 2006 - 10:32 pm:  Edit

By 山貓 on Monday, October 02, 2006 - 5:29 pm: Edit

那當然不是指生果刀。我是指如開山刀匕首之類。作何用?視乎情況而定。但絕不會用作非法用途,但如在街上被Police 截查有機會被控藏有攻擊性武器?

100%會被Police 檢控藏有攻擊性武器,香港基本上已沒有山野可供開山刀匕首之類的刀具。

   By danny on Thursday, October 05, 2006 - 8:12 pm:  Edit

不會被檢控藏有攻擊性武器, 除非你藏有的目的是攻擊他人。
當然, police 會向你查詢, 以確定你持有的目的。用來開山, 迷途時自救, 捉魚防蛇...等等是合理的理由

   By on Friday, October 06, 2006 - 5:12 pm:  Edit

如帶八寸折刀(四寸刀鋒,四寸手柄)行山會否犯法?

   By Alex Lau (Flash) on Friday, October 06, 2006 - 6:14 pm:  Edit

我冇理有冇問題。不過我是有帶摺刀行山的。
如danny兄所述,目的是用來開山, 迷途時自救, 捉魚防蛇...等等是合理的理由。

   By danny on Friday, October 06, 2006 - 7:54 pm:  Edit

攻擊性武器的定義是設計上或藏有的目的是攻擊他人。彈弓刀及伸縮警棍等被視為在設計上是為了攻擊他人, 所以是攻擊性武器, 單純藏有已是犯法。不是設計上是為了攻擊他人的刀, 就要睇藏有的目的了, 一把小刀如果意圖作攻擊他人之用, 亦可被視為攻擊性武器 :-)

   By 山貓 on Saturday, October 07, 2006 - 7:14 pm:  Edit

我都係考慮買返把帶去行山,唔理得咁多,自身安全重要。最多俾人告時先向法官大人解釋。講起真有點無奈,一個一等良民帶把刀出外都要擔心被人告。

   By danny on Saturday, October 07, 2006 - 10:31 pm:  Edit

山貓, 帶刀 "自衛" 已可構成藏有攻擊性武器一罪, 還是不要為上。
況且, 的人蛇很兇旱, 若你恃著有刀在手就同佢搏, 兵兇戰危, 分分鐘 "賴野", 犯不著喔

   By messhong on Sunday, October 08, 2006 - 12:16 pm:  Edit

<<<<<<<<講起真有點無奈,一個一等良民帶把刀出外都要擔心被人告

歸根究底,是哪些人迫使我地咁做.
廿年前行山,有無擔心過這些問題.

郊野本來係寧靜和平的樂園,
點解,點解班蝗蟲破壞完自己家園又來破壞我地家園.

我絕對讚成帶刀,而且係大關刀,斬馬刀.(重就重的)
帶佢地唔洗帶trekking pole.

   By wumingzi on Sunday, October 08, 2006 - 4:58 pm:  Edit

messhong,

我絕對理解你對[家園]的看法,因為我深有同感。

刀,絕對有可能被視作[攻擊性武器]。關於[藏有攻擊性武器](警察用語:POOW)這個罪行,你可以往雙語法律資料系統看看,無須猜測。

看完法例,你或者會明白,POOW 的含義非常廣、和有彈性。如果閣下被發現藏有被認為是攻擊性武器的刀,對差人來說,是工作(拉你);對法官來說,是工作(審你);對懲教人員來說,是工作(囚你)。他們都支了薪金。對閣下來說,一定不會有薪金。會得到什麼?閣下自行判斷好了。

   By 山貓 on Sunday, October 08, 2006 - 5:50 pm:  Edit

danny 兄,

帶刀上山並非全為了防ii,但的確是其中一個大理由。我喜歡一支公行山,如果遇上我們『偉大的同胞』的話,沒有一點『挀拿』在手很容易變『樹上裹蒸棕』啊!到時如果運氣不佳的話分分無法脫身,結果不難想像。但如果有把刀在手,情況可不同,嘿!嘿!偉大的同胞亦要三思。

矣!如斯地步是誰之錯!?

   By messhong on Sunday, October 08, 2006 - 11:44 pm:  Edit

我諗我入青山機會大過入懲教,
我都話帶大關刀,斬馬刀咯.

   By 李龍 (李龍) on Monday, October 09, 2006 - 12:35 am:  Edit

messhong,

十個人有九個人都覺得自己係一個一等良民架啦,
如果人人都可以帶刀,我諗你咪仲驚.....

   By messhong on Monday, October 09, 2006 - 11:53 pm:  Edit

<<<<<人人都可以帶刀,

0岩呀,人人都可以帶刀,正如個個國家都可以擁有核武.
點解中英美法......可以擁有核武.其他國家唔可以
個個國家都以為自己係泱泱大國,人地就流氓國家.
邊個打劫我,大關刀侍候,邊個侵略我國神聖領土,
核彈招呼.

順道熱烈祝賀朝鮮民主主義共和國今天核試成功

   By messhong on Tuesday, October 10, 2006 - 12:09 am:  Edit

對唔住各位網友, 一講到山賊就語無論次,控制唔到自己
離哂題.
如果真係帶刀,分分鐘取我幾十蚊,我取番佢條命.
自知為瘋子,都係勿帶刀

   By 山貓 on Tuesday, October 10, 2006 - 7:56 pm:  Edit

李龍先生似乎對主題有一點誤解了。帶刀行山跟帶刀出街有別也,帶把適合的刀到荒山野嶺有其實際須要。其實刀是野外活動的必備裝備。只是人們忽略了或像我一樣怕被人告POOW 而已。

   By paliny on Tuesday, October 10, 2006 - 10:47 pm:  Edit

如果真係咁怕遇到山賊,帶支行山仗好過帶刀。點解?
1)如果你咁勇會同對方交手,相信一支行山仗不會差過一把刀好多。
2)斷估你都不會由頭到尾行山時都手持把刀。個賊不會走出來問你準備好比佢打劫未。有事時把刀可能都未取出就變樹上裹蒸棕了。反之行山仗可由頭到尾拿著。
3)比差人截查時你有合理解釋,但差人和個官信與否邊個知。

   By 李龍 (李龍) on Tuesday, October 10, 2006 - 11:00 pm:  Edit

山貓,

就算行街同行山都冇乜分別..問題係在於你會唔會放心得過一個迎面而來既人,他也會有帶刀的權利,而姑勿論這把刀的實際用途,因為他對於那位對頭人而言,是有殺傷力的

   By messhong on Tuesday, October 10, 2006 - 11:36 pm:  Edit

就好似斬樹黨,佢唔係斬緊樹.但身上有刀.
佢係郊外差人一樣可以拉佢.

事實人人都可以係斬樹黨,額頭無鑿字

   By 山貓 on Saturday, October 14, 2006 - 11:18 pm:  Edit

李龍先生,帶刀行街同行山有分別,那就是帶刀的目的。
paliny,山賊也不會老遠亮刀啊。

   By paliny on Sunday, October 15, 2006 - 12:31 am:  Edit

問題就在山賊也不會老遠亮刀。
老遠比你見到你重唔走人?
人地有準備"老笠"你,你話邊過手快?邊個著數呀。

   By 李龍 (李龍) on Sunday, October 15, 2006 - 11:15 pm:  Edit

山貓

上面咪講左囉,帶刀的目的的分別是沒有意義的,
因為對於一位迎面而來的人,只是一把有殺傷力的武器

亦都可以簡單d諗,假如帶刀行山是合法,
你行山時只會更驚,因為每個人身上都可能有一把刀,
而你根本唔會理佢帶刀既目的係做乜

   By 李龍 (李龍) on Sunday, October 15, 2006 - 11:16 pm:  Edit

山貓

上面咪講左囉,帶刀的目的的分別是沒有意義的,
因為對於一位迎面而來的人,只是一把有殺傷力的武器

亦都可以簡單d諗,假如帶刀行山是合法,
你行山時只會更驚,因為每個人身上都可能有一把刀,
而你根本唔會理佢帶刀既目的係做乜


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration