請問香港哪裡有好地方可以觀星和觀日呢?

Hong Kong Hiking Web: 相關興趣 Related Interest: 觀天 Sky Watching: 請問香港哪裡有好地方可以觀星和觀日呢?
   By Simon on Friday, February 05, 2010 - 1:47 pm:  Edit Posted From: 210.176.226.225

還有, 由麥理浩夫人渡假村附近的入口上鹿湖,
正確位置應是怡庭營地(有塊石拱門)的正正對面, 有個牌仔寫著 "鹿湖郊遊徑"

   By Simon on Friday, February 05, 2010 - 1:40 pm:  Edit Posted From: 210.176.226.225

>>都話左N咁多次, 應該係"麥理浩夫人度假村"個個站落車o架啦!
>>第一: 你早o左一個站落車!
我相信係因為不少留言者都說是在 "鯽魚湖" 出發~~

另外, 想信過左咁多年, Bruce Yeung 應該有齊地圖和預先找資料才行山罷?

   By Bruce Yeung on Monday, September 30, 2002 - 4:39 pm:  Edit

我想和女朋友去觀星和觀日,因為她功課很多,她的媽媽又不能讓她時常出外,所以我希望能有一個地方既可以觀星,又適合觀日,請問香港有沒有一個這樣的地方呢?
另外,我知道10月份有 獵戶座 流星雨看,我希望到時能觀看得到,是否需要用望遠鏡呢?

   By eddie on Monday, September 30, 2002 - 9:46 pm:  Edit

西貢鹿湖營地, 舊年就係個度睇流星雨,兼水平線日出。

   By Bruce Yeung on Tuesday, October 01, 2002 - 12:39 am:  Edit

請問鹿湖營地如何去呢? 看獵戶座流星雨用肉眼可以嗎?
遠是要用望遠鏡呢? 是否要很細心才會發現流星雨所在?
我以前曾看過一次獅子座流星雨,真的是整個天空都看得
到,很清楚,只用肉眼就可以了,不知道獵戶座流星雨是否也一樣呢?

   By saikunger on Tuesday, October 01, 2002 - 6:36 am:  Edit

由北潭凹行過去

   By 星河傳說 on Tuesday, October 01, 2002 - 12:16 pm:  Edit

>請問鹿湖營地如何去呢?
北潭凹 or 北潭涌 or 西灣亭

>看獵戶座流星雨用肉眼可以嗎?
當然可以! 不過有雙筒望遠鏡更好.

>我以前曾看過一次獅子座流星雨...不知道獵戶座流星雨是否也一樣呢?
當然不一樣! 獅子座流星雨每小時成5000顆, 獵戶座流星雨每小時才只有20顆.

WISH YOU GOOD LUCK.

   By eddie on Tuesday, October 01, 2002 - 10:52 pm:  Edit

>>請問鹿湖營地如何去呢?
>北潭凹 or 北潭涌 or 西灣亭
由這三個地方去都比較長及難行, 最近是在過(魚則)魚湖村後的站落車, 在郊遊地點對面有山路上山。或下一個站落車, 過對面馬路接石屎路上林務站, 入山路後行一小段,再接回上山路。

鹿湖營地有旱, 營地右邊的谷位是雙鹿石澗源頭, 可在旱菾憚漱p路落澗取水。

   By saikunger on Wednesday, October 02, 2002 - 6:48 am:  Edit

鹿湖標高 300m
北潭凹標高 160m
魚則魚湖標高 20m

北潭凹/鹿湖水平距離 2.5km
魚則魚湖.鹿湖水平距離 3km

   By Bruce Yeung on Wednesday, October 02, 2002 - 2:13 pm:  Edit

我想問問eddie,請問鹿湖營地同鹿湖高原是否一樣的呢?
我住在九龍的,不太清楚如何去,有什麼方法可以清楚一
些呢?我連魚湖村也不知如何去呀,請指教。

另外,請問星河傳說,要較易找到獵戶座流星雨的位置,可
以向哪個方向望呢?我是有雙筒鏡的,7x35

   By named_kai on Wednesday, October 02, 2002 - 3:35 pm:  Edit

Bruce,坦白講,如果你已識睇地圖,
你最好自己有張地圖,睇清楚然後先去.
或多參考行山書籍.
日間再 pre trip 一次.
否則有起事上黎就 x____x

係女朋友面前迷路就真係唔係咁好!

eddie,所指的入口是:
1) 北潭涌入
2) 有"look"木寫住"麥理浩徑起點"的分"差"(唔識打^.^)位轉左(行兩三分鍾後就是(魚則)魚湖).
3) 沿著車路到一個石屎橋面靠右,行過多五六步就差唔.多.

   By eddie on Wednesday, October 02, 2002 - 8:21 pm:  Edit

>北潭凹/鹿湖水平距離 2.5km
>魚則魚湖.鹿湖水平距離 3km

如果有玩過山霸o既人都知, 搵路行唔係純靠睇距離及上落差, 好多有時要睇埋路徑實際狀況! 北潭凹去鹿湖, 幾年前係有條路由村入, 略為上山,經過牛湖墩與大輋嶺墩的山, 再上番牌額山則的小橫腰路落番鹿湖。 幾年前行過這條路, 已好密及好難搵路, 後來水務處有水務工程, 將村後山剷平, 山路從此消先。 現在要去, 係要上牛湖墩後, 落番個韟, 再上番牌額, 相對上落差大左好多! 補充一句, 牌額個條橫腰路, 屬較小人行的浮沙碎石小路, 條路好窄兼較難行, 部份路段在危崖隔離, 初學者會覺得好險! (魚則)魚湖的上山路係郊遊徑石砌大路,有明顯路標。

   By eddie on Wednesday, October 02, 2002 - 8:37 pm:  Edit

>我想問問eddie,請問鹿湖營地同鹿湖高原是否一樣的呢?
Yes

>我住在九龍的,不太清楚如何去,有什麼方法可以清楚一
些呢?我連魚湖村也不知如何去呀,請指教。

如果係平日去, 可以在西貢市搭94入黃石碼頭的巴士,係"麥理浩夫人渡假村"站落車, 即過北潭涌大站後第三個站。 不過, 約女仔去睇星, 梗係要豪D啦, 西貢市打綠的入去都係$60有找, 唔慳得o架! :D

   By saikunger on Wednesday, October 02, 2002 - 9:08 pm:  Edit

就在北潭凹巴士站落車過馬路在避雨亭後一路向東往上爬, 上80m後自見一條路往東南方攔腰掃過去牌額山, 今年4月我o係牛耳石望過去仍好清楚o咁見到條路

yes 這段路有點上落但全段路只有兩個下坡段, 共落差60m 和在牌額山西麓會較險要

個人勁愛這段路因為風景極好, 能全程望北潭谷地和能鳥瞰赤徑

由鯽魚湖上鹿湖條路好悶, 在窄窄的山谷裡爬, 西灣亭上去都係好悶但因會經雙鹿石澗又是另一種味道

   By 星河傳說 on Wednesday, October 02, 2002 - 11:04 pm:  Edit

>要較易找到獵戶座流星雨的位置,可
以向哪個方向望呢?

你懂得辨認獵戶座嗎? 既然輻射點是在獵戶座, 在其方向及四周的星座(大犬座, 金牛座, 御夫座, 雙子座)也有機會看到. 不過一小時二十顆, 即三分鐘才一顆...別期望太高. 最好是午夜過後, 待上述星座升到較高位置, 看到的機會才較大呢.

   By Bruce Yeung on Thursday, October 03, 2002 - 1:06 am:  Edit

請問由九龍出發,是否可於鑽石山乘車往西貢然後再到鹿湖呢?可否告訴我知路線如何呢?

如果沒有地圖,是否不應去呢?

   By Dan on Thursday, October 03, 2002 - 2:50 am:  Edit

同意saikunger, 鯽魚湖條路都幾悶.
不過初次夜行不熟悉的地區, 我諗都係行D有明顯指示的大路比較安全D, 風景反而係其次, 因為黑麻麻都睇唔到乜野.

   By saikunger on Thursday, October 03, 2002 - 6:50 am:  Edit

如果係初哥就唔好行夜路囉

如果連地圖都未有就要投資幾十蚊去買張看看同操練操練, 一個唔覺意留落荒野時至少可以搏一搏打手機搵直升機英雄救美

由九龍先到西貢再轉94往黃石的巴士. 過左北潭閘後不久就會轉左, 第二個站就應該是鯽魚湖, 落車過馬路會見路標. 巴士上山到頂就係北潭凹,

鯽魚湖較少人落車, 可以同司機叔叔講聲請佢到時提你. 北潭凹係遠足人的集散地, o係西貢車站等車時見背包族就問問有冇人去北潭凹, 你同佢地一齊落車

   By Bruce Yeung on Thursday, October 03, 2002 - 6:34 pm:  Edit

我知地圖分唔同號數,要去鹿湖應該哪個號的地圖才正確呢?

可唔可以去西貢碼頭搭車到鯽魚湖村呢?我打算先去一次(平日),我只係識得由彩虹搭小巴到西貢碼頭,請問有冇第二個方法呢?我本身住在深水步。

搭94到鯽魚湖村落,還是過了鯽魚湖村後的一個站落?eddie 亦曾講過在麥理浩夫人渡假村落,即過北潭涌大站後第三個站,究竟哪個站對初哥最適合呢?

另外,下車後我是否要去到北潭凹先呢?下車後是否有明顯路標指示呢?是否跟著指示行便可到達鹿湖營地呢?

最後有一個問題,希望大家不要厭煩,就是上車至下車大約需時多久?下車後至到達鹿湖營地大約又所需多久呢?

希望各位經驗人士幫助,謝謝。

   By on Thursday, October 03, 2002 - 7:34 pm:  Edit

鹿湖郊遊徑

http://parks.afcd.gov.hk/facilities/c_lw.html

鹿湖營地A (即圖中24)

http://parks.afcd.gov.hk/country/campsite/map_22.jpg

   By eddie on Thursday, October 03, 2002 - 10:12 pm:  Edit

>我只係識得由彩虹搭小巴到西貢碼頭,請問有冇第二個方法呢?我本身住在深水步
旺角登打士街(柏裕中心), 一樣有小巴去西貢市。

>搭94到鯽魚湖村落,還是過了鯽魚湖村後的一個站落
唔該查下九巴網頁啦(www.kmb.com.hk),個站叫"麥理浩夫人渡假村"呀!

   By 路人甲 on Thursday, October 03, 2002 - 11:29 pm:  Edit

>我知地圖分唔同號數,要去鹿湖應該哪個號的地圖才正確呢?

HM20C地形圖第8號 (1:20000) 或
郊區地圖--西貢及清水灣 (1:25000)

   By saikunger on Friday, October 04, 2002 - 7:13 am:  Edit

唔好咁複雜啦,

就o係巴士過左閘, 轉灣後襟鐘

落車後過馬路按上山的方向(也就是架巴士離開站後的方向)沿馬路行, 十多分鐘內自會見到鹿湖郊游徑個路標

li段路開始時是往東北走,行左700米左右轉東, 一路上山

我用的是郊游圖, 上面有晒我講o既資料. 郊游徑路口又有份好大o既地圖棟o係度

如果你冇信心讀地圖同o係野外搵翻個北出泥我就建議你去西灣租屋住算啦

   By saikunger on Friday, October 04, 2002 - 7:27 am:  Edit

typo

should be " 同唔知點o係野外搵翻個北出泥"

instead of "同o係野外搵翻個北出泥"

   By 閒人 on Friday, October 04, 2002 - 1:46 pm:  Edit

同意. 如果冇行山經驗, 或者夜行經驗 (如果閣下打算入黑才入山), 又或者不懂MAP READING SKILL, 不如去大浪西灣算了.

   By Bruce Yeung on Saturday, October 05, 2002 - 1:05 am:  Edit

小弟打算明天(5號)早上起行先往鹿湖一次,相信日光日白,應該較易搵到路行,到時影左相之後俾大家睇睇啦。

   By named_kai on Saturday, October 05, 2002 - 1:20 pm:  Edit

咁就乖啦~

   By Bruce Yeung on Saturday, October 05, 2002 - 10:05 pm:  Edit

今天我於早上前往鹿湖,由鑽石山出發乘92到西貢總站,再轉乘94於鯽魚湖下車,對面並沒有什麼路或指示牌,但我發現行過兩步有一個家樂徑的入口,好似是北潭涌家樂徑,由於我沒有地圖在手,附近又沒有人,於是我和女朋友便從這個入口出發,向著我們心中的目的地鹿湖前進。

我們一直走,途中有一些分岔路,指示牌一邊寫著北潭涌(即我們起行的方向),另一邊是斬竹灣,並沒有鹿湖,於是我們便向斬竹灣進發,希望去竹灣等於是去鹿湖便好了。

過了大約兩個小時,我們去到一個地方,我認為那個是最高的地方了,但只有一個白色的石柱,什麼字也沒有,所以我們也不知那個是什麼地方。向下望去,能看到海和一個像湖的東西,湖的另一邊,有一些遊艇。

我們吃了一些東西後,便再向前走,跟著一直得一條路,再沒有分岔路,落到底後,是一條馬路,沿馬路行,見到有烈士碑及水上訓練中心,再向前走,便見到回程的94巴士,那個站應該是斬竹灣的站,然後,我們便乘車回西貢,結束今次的鹿湖之旅。

究竟問題在哪裡呢?為什麼我們好像沒有去到鹿湖呢?哪我們究竟去了哪裡?請問有誰可以告訴我呢?如果有郊區地圖,我是否一定能去得到呢?

   By eddie on Sunday, October 06, 2002 - 12:26 am:  Edit

都話左N咁多次, 應該係"麥理浩夫人度假村"個個站落車o架啦!

第一: 你早o左一個站落車!

第二:你行錯方向, 應該係右邊上山, 唔係左邊! 如你從右邊上山, 會上到大枕蓋 , 可以望晒整個萬宜水庫同鹿湖高原。

第三: 你上的山, 應該係大王爺墩。

其實, 如果你一早聽清楚人講o既詳情, 應該唔會去錯, 因鹿湖郊遊徑係以鹿頭做標誌。 Anyway, 你今日都有個愉快o既行山經驗, 有女友肯陪你行, 去邊都冇所謂啦!

   By Bruce Yeung on Sunday, October 06, 2002 - 9:42 am:  Edit

我行呢條家樂徑已經覺得幾難行啦,鹿湖果條係咪再難行好多架?

究竟去到鹿湖有什麼指標可以話俾我知我已經到了鹿湖呢?北潭涌家樂徑整條都係路,沒有什麼地方是一塊平地的,鹿湖是否又是這樣一直都是路,沒有什麼平地呢?如果要睇日出或者睇星,冇理由躺在路中吧,如果夜晚有人要行路咪慘囉。鹿湖係咪有一大達地呢?可以起個營,生下火咁,同埋多唔多人架?我昨天去的家樂徑,行了兩個小時都見不到其他人,只有差不多最後的時間才見到幾位外籍人士,鹿湖是不是一個人跡極少的地方呢?

   By saikunger on Sunday, October 06, 2002 - 9:03 pm:  Edit

同女友看場戲, 一人一碗雲吞麵都過百, 點解唔肯幾十蚊買份地圖?

   By 閒人 on Monday, October 07, 2002 - 1:35 pm:  Edit

對於一個唔用地圖而又冇行過山的人來說, 唔應該推介佢去鹿湖. 大家經驗不同, 不是放諸四海之內皆準.

之前也常有攀澗高手在網上推介某某石澗點樣易行, 但卻可能引導無知兼無經驗網友挺身犯難! 雖然去鹿湖唔係行d咩險途, 但對不用地圖的路盲來說, 對於連家樂徑都話難行的初哥來說, 是否有點勉強?

要觀星觀日, 去石澳算了!

   By 踏霧尋峰 on Monday, October 07, 2002 - 5:46 pm:  Edit

係嘍,2002年版的西貢郊野圖只需$50大元,
當作買返來熟悉西貢地形都抵啦。

在油麻地普慶廣場或者則魚涌北角政府合署有售

   By Bruce Yeung on Thursday, October 10, 2002 - 12:40 am:  Edit

我真係有去到石澳,我發覺石澳對我來說更適合,易去,又方便。對正個太平洋,日出實睇到啦,附近可以燒烤,我覺得好好呀。

我會慢慢學行多0的地方,買份地圖睇下,等第時再同大家傾下講下。

   By Bruce Yeung on Monday, October 14, 2002 - 11:21 pm:  Edit

又係我呀咁多位,今日(14號)我去浪茄入面個互愛團契,我望到個沙灘好靚,不過我今日係跟旅遊車入0既,如果我自己入,係咪可以響西貢碼頭搭車呢?可以響邊度落?落之後係咪要行好遠架?我覺得好似冇車直到喎。希望各位經驗人士可以指點一下,唔該,小弟會感激不盡。

   By 閒人 on Tuesday, October 15, 2002 - 2:42 am:  Edit

最近只有搭的士入東壩, 無其他公共交通工具入.

價錢: 西貢入-- 約$105, 北潭涌入 -- 約$60.

   By Bruce Yeung on Tuesday, October 15, 2002 - 11:39 am:  Edit

如果由北潭涌開始步行向浪茄,是否沿馬路直去便到東霸呢? 另外,北潭涌入的意思,是不是在北潭涌度假營附近呢? 如果步行,請問需時多久?

   By 閒人 on Tuesday, October 15, 2002 - 12:41 pm:  Edit

是的. 就是行麥徑第一段. 不過要行約3小時. 詳情請參閱"行山路徑"內"麥理浩徑"或"浪茄"一欄.

   By Bruce Yeung on Monday, October 21, 2002 - 12:51 am:  Edit

請問如何參閱"行山路徑"內"麥理浩徑"或"浪茄"一欄呢?

這是一個網頁嗎?

   By 閒人 on Tuesday, October 22, 2002 - 5:37 pm:  Edit

在本網頁內. 請到主目錄自己找.

   By dl on Sunday, December 22, 2002 - 2:07 pm:  Edit

請問eddie, 在鹿湖睇"水平線日出"的grid refernce 是邊度呢? 那個位置夠開揚, thanks!


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration