籮箕灣營地情況如何?

Hong Kong Hiking Web: 露營 Camping: 營地資料 Campsite Information: 主題露營地點 Theme Campsite: 籮箕灣營地情況如何?
   By Patrick on Monday, May 28, 2007 - 11:05 am:  Edit

阿茂小姐早晨,
你講得岩!最重要係一家人高高興興咁去露營!希望阿茂小姐出山之時有機會同你、任兄、雪櫃佢地一齊去露營啦!

   By 阿茂 (阿述) on Sunday, May 27, 2007 - 10:33 pm:  Edit

Patrick兄:
去邊都好啦...總之一家人高高興興咁就最好...希望出山之時你同你一家都和我同任兄仲有雪櫃佢地一齊去露營啦...我諗我出山第一個地點多數都會係塔門多...

   By Patrick on Sunday, May 27, 2007 - 9:38 pm:  Edit

阿茂小姐晚安,
如果由大澳沿鳳凰徑第七段經二澳步行二小時或從石壁沿鳳凰徑第八段經狗領涌步行二小時半,小弟就真係要諗清楚先去,因為仔仔現在還未到八歲,你問小弟的仔仔係咪好得意呀? 仔仔剛剛換了一對門牙,附近犬齒還未出恆齒,好似白免大板牙咁,都幾得意架...!言歸正傳,可能要太太及仔仔步行二小時的話,可能步行了不足一小時已體力不支了,或者今次可能選擇貝澳或西貢泳灘附近的營地了!^ (0) ^

   By 阿茂 (阿述) on Sunday, May 27, 2007 - 7:03 pm:  Edit

Patrick兄:
sorry呀打錯左女女係你仔仔...請問你仔仔今年幾大呀??佢係咪好得意架...^.^

   By 阿茂 (阿述) on Sunday, May 27, 2007 - 7:00 pm:  Edit

Patrick兄:
如果考慮到老婆同女女咁你就真係要諗諗啦,因為如果要去分流西灣同東灣都要行一段路程,你可以由大澳沿鳳凰徑第七段經二澳步行二小時或從石壁沿鳳凰徑第八段經狗領涌步行二小時半前往。如果唔係就仲有一個選擇就係去貝澳,不過貝澳的沙灘垃圾多,而且D沙係黑色架,有時仲會有牛經過,留低佢地的牛屎。

   By Patrick on Sunday, May 27, 2007 - 3:17 pm:  Edit

阿茂小姐午安,
多謝你非常詳細的資料呀! 因為要關注到太太及仔仔本身的體力是否可以輕易走畢全程,多口問多一句,請問分流灣從那堸_步較容易行? 請問步行到營地須要幾耐呀?再多謝你提供資料呀!

   By 阿茂 (阿述) on Saturday, May 26, 2007 - 5:05 pm:  Edit

Patrick兄:
如果銀礦灣同籮箕灣的營地都唔可以咁如果Patrick兄你又想有得去游水咁我俾多個地方你選擇啦...就係分流東灣或者分流西灣都有沙灘,而且方便補給,可到分流村到給,分流西灣水質一般,村內有水喉及廁所、分流東灣,風景幾好架仲好接近分流古堡但係要去廁所及有水源都係要去返分流村,如果夏天去露營我就覺得去西灣好d啦而且日落都唔錯,仲近分流村,可以到富記士多找富叔及陳婆,佢兩個老人家都幾好傾架。不過缺點就係間中會有I.I出沒...而且電話都只係可以收到漫遊,如果有需要都可以去富記借電話一用。

   By Patrick on Saturday, May 26, 2007 - 10:33 am:  Edit

阿茂小姐 & 各位早晨,
剛才收音機電台公佈,大嶼山水質量最近受到嚴重污染,銀?灣已公佈不能游泳了,請問籮箕灣的水質是否有影響呢? 以現時水質情況是否適合游泳呢? 如果籮箕灣的水質真的有污染不能游泳,請問哪一個營地及泳灘可游泳呢? 請幫忙提供資料。

   By Patrick on Wednesday, May 23, 2007 - 10:39 pm:  Edit

阿茂小姐晚安,
趁年青努力讀好書,考好個試,這點非常重要!
書本上的知識可以終生受用! 日後如何將書本上所知道的知識運籌帷幄! 就要靠今天的努力啊!

但今次要努力考好試,才想想如何去camp鬆一鬆啊!

   By Patrick on Wednesday, May 23, 2007 - 10:34 pm:  Edit

阿茂小姐午安,
趁年青努力讀好書,考好個試,這點非常重要!
另書本上的知識可以終生受用,日後如何將現有書本上的所知道的知識運籌帷幄! 就是靠今日的努力啊!

但要考好今次試後,才可以去露營鬆一鬆啊!

   By 阿茂 (阿述) on Monday, May 21, 2007 - 11:33 pm:  Edit

Patrick兄:
你講得岩...所以考完試...第一樣會做的事...就係去露營...至於找工作...遲D先啦

   By Patrick on Thursday, May 17, 2007 - 3:36 pm:  Edit

哈!哈! Ms 阿茂,建議你先收拾心情考好個試,等你考完試後可以再去都未遲啦!

   By 阿茂 (阿述) on Thursday, May 17, 2007 - 12:36 pm:  Edit

Patrick兄:
俾你講到我都好想去...仲有咁多野食....唉....不過本人決定要收山一個月努力溫書去考試....一個月之後一定會再上山....出山之日快來臨(^.^)

   By Patrick on Thursday, May 17, 2007 - 12:17 pm:  Edit

鬼佬兄 & 佳佳兄早晨,
再謝你們提供資料! 收到! 收到!
小弟初步第二天行程早上由籮箕灣到大澳,到步後先去買定船票,再品嘗麥芽糖梳打餅,然後再往"土步"碼頭方向找一擋糯米磁,回頭再找阿伯個檔燒賴尿蝦乾,燒魷魚乾,燒魚春乾,燒沙鑽,如果有緣見到阿伯個檔,就一定試試!!!

   By 鬼佬 (White) on Wednesday, May 16, 2007 - 4:58 pm:  Edit

各位好呀
佳佳兄提及的燒賴尿蝦乾,燒魷魚乾,燒魚春乾,燒沙鑽乾一定要係阿伯燒個檔先夠野味,其他只係普通貨色,而碼頭途中的一擋糯米磁5點前好去啦咪賣晒就冇,而其他的都比佳佳兄講晒

   By Patrick on Wednesday, May 16, 2007 - 10:48 am:  Edit

佳佳兄早晨,
非常感謝你的詳細資料,你的資料已非常足夠給我作編排整個行程啊! 小弟期待仔仔五月尾考完試後,來一次籮箕灣露營及大澳美食兩天遊啊! ^ (0) ^

   By 佳佳 on Tuesday, May 15, 2007 - 9:43 pm:  Edit

石仔"土步"就是舊大碼頭,沿石仔"土步"街,糯米磁店在右手邊。
往屯門的渡輪,就在巴士總站對出的新海堤,星期日最好到達大澳後立即購買,在"大澳博物館"(其實此館我也沒有印象叫乜名堂,衹知有舊大澳先民的生活用品展出,在巴士站往鐵橋的第一間屋就是)旁,有極簡便的預售櫃檯,可小心留意。船分直航和迴航(經沙螺灣和東涌)二種。屯門泊慧豐園,有輕鐵總站。當船開航後,可留意右岸邊,有出名的"將軍石"(實為一海蝕洞);亦同時留意海中任何方向,一個好彩,中華白海豚也看到(下午時份,十次中五次)。

   By Patrick on Tuesday, May 15, 2007 - 1:48 pm:  Edit

佳佳兄午安,
感謝你的大澳美食資料呀!
去大澳,一定食麥芽糖梳打餅,麥芽糖梳打餅亦是小弟兒時的最愛,而燒賴尿蝦乾,燒魷魚乾,燒魚春乾,燒沙鑽乾,看看是否有緣遇到,如果遇到的話,小弟一定試試。並會前往石仔"土步"碼頭途中的一擋,嘗試花生及眉豆糯米磁,再嘗鳳凰山特產"紫貝天葵"!
另上次去大澳,印象中,有鹹味及甜味茶粿賣,聽說用大個鑊加水,然後用柴火隔水蒸熟,試試去大澳再找一找!
午餐可能會去"東方小祗園"食齋菜,據聞此店經常有報紙及雜誌介紹,餐後坐船回屯門。
以上有部份地方不太清楚位置,
1. 請問石仔"土步"碼頭是不是大澳警署對開的碼頭呀?
2. 請問坐船回屯門的碼頭位置在哪堜O?

   By 佳佳 on Monday, May 14, 2007 - 10:43 pm:  Edit

Patrick:
若去大澳,切記嘗試當地的小吃特產,有小朋友,包保他畢生難忘。
包括:我兒時夢寐以求的麥芽糖梳打餅,燒賴尿蝦乾及魷魚乾,在匯豐銀行對面有檔買燒魚春乾及沙鑽乾,非常鮮美,但可遇不可求,還有前往石仔"土步"碼頭途中的一擋,買花生及眉豆糯米磁,此檔星期天還免費贈送清保梁糖水,口喝可嘗鳳凰山特產"紫貝天葵",生津解喝,以上祗是小吃;正餐可在梁屋附近的"海韻"或"東方小祗園",有齋菜,有出名的走地鹽焗雞、炸雙脆,飯後可坐船回屯門或坐車至東涌。

   By Patrick on Monday, May 14, 2007 - 11:56 am:  Edit

佳佳兄 & 阿茂早晨,
如果這樣的話,第一天可以從東涌搭的去籮箕灣,然後第二天回程可以順道去大澳及午飯啊。

非常感謝你們的回復及詳細資料呀! ^ (0) ^

   By 阿茂 (阿述) on Monday, May 14, 2007 - 11:12 am:  Edit

Patrick兄:
不用客氣啦....祝你今次成家旅程愉快(^.^)

   By 佳佳 on Monday, May 14, 2007 - 10:36 am:  Edit

從村口入約30分鐘,有小朋友,從東涌搭的去約$80,同司機說往籮箕灣就可以,從筷子路下走,約10分鐘就到;回程就要步往水口搭巴士回東涌(中途站,難上車,若1500前可沒問題)或往大澳。

   By Patrick on Monday, May 14, 2007 - 12:35 am:  Edit

阿茂小姐晚安,
非常感謝你提供咁詳細資料, 睇嚟籮箕灣營地設施都齊全,不過可能會有較多昆蟲的話,可以帶多兩個蚊香及帶高頻驅蟲器。在下可能帶太太及仔仔去露營同游泳的話,可以多一個選擇Wor! 多口問多一句,請問從水口村步行到籮箕灣營地須要幾多分鐘呢?

   By 阿茂 (阿述) on Sunday, May 13, 2007 - 10:17 pm:  Edit

Patrick:
你好....本人上年年尾去過籮箕灣,營地入口有廁所,衛生程度就見仁見智....籮箕灣有沙灘,夏天去係最好,不過可能會有較多昆蟲...有冇沖身....上次本人係出返去水口村的洗手間用...cookset來沖身....仲可以在水口村間小食店買野飲....不過營地都會有一條水喉引下的山水...夏天應該都會有幾多水...至於九龍點去籮箕灣呢..你可以乘地鐵去到東涌再由東涌市中心乘一架11號的新巴係去大澳的....會途經水口村...巴士的收費平日就$11...價日會係$19....仲可以乘23新巴...不過就會俾11號巴士貴...假日的價錢會係$25...仲有呀...籮箕灣塊地比較鬆散,所以d 釘唔係咁穩,不過好處係佢有有燒烤爐有石台...都可以直得一去...

   By Patrick on Sunday, May 13, 2007 - 12:43 am:  Edit

各位好,
小弟從未去過籮箕灣營地, 請問籮箕灣營地及設備如何呢? 有沒有toilet及沖身地方呢? 此營地是否適合夏天去呢? 從九龍怎樣可以到達交通營地? 煩請大家提供資料,謝謝!


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration