非典型肺炎下郊遊注意事項

Hong Kong Hiking Web: 討論組 Forum: 行山資料分類 Hiking Subtopics: 知識 General Knowledge: 非典型肺炎下郊遊注意事項
   By Dan on Tuesday, April 29, 2003 - 7:05 pm:  Edit

好多平日不行山的市民, 近日湧到郊區避炎, 但因為很多人都是以"市區行街"的心態到郊外, 住住忽略了一些好基本的郊野守則.

量力而為
-出發前應有充足睡眠,確保精神及健康狀況良好
-小心計劃行程,帶備地圖,通知親友你的行程,以防發生意外而無人知曉
-一般遠足徑雖難度不大,但個別路段可能不適合經驗不足人士,遊人須小心衡量。請先參閱遠足安全指引(http://parks.afcd.gov.hk

保護你自己
-防蚊叮:穿淺色長袖衫及長褲或塗防蟲膏
-防晒傷:戴帽子或塗防晒用品
-防中暑:帶足夠食水

確保衛生,顧己及人
-不可隨地吐痰或拋棄垃圾,違者會被撿控
-勿讓你的垃圾堆積郊野,應帶至大型垃圾收集站棄置
-不要共用個人物品,如毛巾,潤唇膏等
-打噴嚏或咳嗽時應掩蓋口鼻,盡量遠離人群
-進食前,先洗手或用消毒紙巾清潔
-用廁時,顧及公德,保持四周清潔,弄髒的地方應自行清理
-郊野地區未必隨處有清水供應,請帶備消毒紙巾,以確保個人衛生。

漁護署現時已增加各類設施的清潔次數和加強巡邏,以應付大量增加的郊野公園遊客公園。

建議及舉報衛生黑點:
電郵 lcpark@afcd.gov.hk, 電話熱線:1823。

=====

摘自漁護署提供的資料

   By on Friday, May 02, 2003 - 12:37 pm:  Edit

文中提到健仔過身的父母也愛行山, 如果有行友剛巧認識這位不幸的山友和她家人, 請代向健仔及姐姐轉達慰問和鼓勵, 並希望他康復後繼續努力和振作, 能像母親一樣在行山運動中領略到生命中的意義和樂趣.

另外, 從行友口中得知一熱心服務行山界的鄧姓的行山前輩夫婦因SARS不幸逝世, 在此亦表達深切的哀悼.

======================

陪雙親走最後的路 患病兒心存感恩

【 明 報 專 訊 】 SARS 令 人 聞 風 喪 膽 , 23 歲 的 健 仔 卻 為 染 上 這 個 惡 疾 而 感 恩 ﹕ 正 因 自 己 和 父 母 同 樣 患 上 SARS , 才 能 陪 伴 兩 老 走 最 後 的 路 , 在 床 邊 為 父 親 抹 面 後 讓 他 乾 乾 淨 淨 地 離 開 人 世 。 雖 被 SARS 奪 去 雙 親 , 但 他 希 望 勉 勵 病 者 、 家 屬 和 港 人 要 堅 強 走 前 路 。 「 走 了 的 人 也 不 想 我 們 意 志 消 沉 。 」 阿 健 終 流 下 男 兒 淚 卻 堅 定 地 說 。


SARS 第 一 波 在 威 爾 斯 醫 院 8A 病 房 爆 發 , 阿 健 的 父 親 因 哮 喘 在 該 病 房 留 醫 而 無 辜 染 病 , 兩 周 內 阿 健 的 母 親 、 5 歲 的 外 甥 女 及 阿 健 也 相 繼 染 病 , 一 起 在 威 院 留 醫 。


有 幸 幫 臨 終 父 抹 面 乾 淨 上 路


4 月 5 日 , 77 歲 的 父 親 垂 危 , 阿 健 病 情 較 輕 , 「 有 幸 」 守 在 老 父 H 邊 。 「 我 很 好 彩 , 因 為 自 己 都 有 菌 , 可 以 幫 佢 抹 面 , 讓 他 乾 乾 淨 淨 上 路 , 其 他 家 屬 根 本 不 能 接 觸 病 者 。 」 臨 終 時 , 父 親 眼 充 滿 不 捨 。


來 不 及 哀 傷 , 阿 健 已 轉 向 記 掛 病 重 的 母 親 , 這 時 給 他 遇 上 中 大 內 科 及 藥 物 治 療 學 系 主 任 沈 祖 堯 。 「 我 說 , 爸 爸 剛 走 , 求 你 救 我 媽 媽 , 我 不 想 同 時 失 去 他 們 。 」 聽 罷 , 沈 即 趕 往 察 看 其 病 情 , 雖 然 帶 回 的 也 是 壞 消 息 , 但 健 仔 仍 心 存 感 激 。 「 沈 教 授 真 能 做 到 , 為 家 屬 送 上 關 心 話 。 」 4 月 6 日 凌 晨 1 時 , 其 母 亦 離 世 。


阿 健 和 三 姊 瞥 見 了 膠 袋 包 裹 的 母 親 遺 體 , 並 忍 痛 阻 止 兩 名 年 過 40 的 姊 姊 到 場 , 免 她 們 感 染 。 「 或 許 , 父 母 可 以 一 起 離 開 也 是 緣 分 。 」


醫 護 無 私 照 顧 體 會 港 人 團 結


18 小 時 內 相 繼 失 去 了 雙 親 , 叫 健 仔 站 起 來 的 , 有 千 個 原 因 。 「 我 以 前 以 為 香 港 人 好 自 私 , 但 今 次 發 現 , 香 港 人 原 來 很 團 結 , 他 們 的 支 持 , 是 我 重 新 振 作 的 動 力 。 」 阿 健 的 老 闆 , 在 他 低 潮 時 與 他 一 起 流 淚 , 令 他 深 受 感 動 。


醫 護 人 員 的 無 私 照 顧 , 亦 令 他 堅 持 下 去 。 健 仔 認 識 了 威 院 的 合 約 清 潔 阿 嬸 好 姐 , 她 已 屆 退 休 年 齡 , 生 活 條 件 可 以 , 「 唔 休 做 」 , 好 姐 卻 說 ﹕ 「 不 是 錢 的 問 題 , 我 不 做 , 別 人 見 了 又 不 做 , 哪 個 做 呢 ﹖ 」 受 這 份 「 大 同 精 神 」 感 染 , 本 身 是 打 工 仔 的 阿 健 表 示 不 會 申 請 援 助 基 金 , 希 望 將 錢 留 給 更 有 需 要 的 人 。


身 體 仍 有 後 遺 症 的 他 沒 有 怨 言 , 還 勉 勵 其 他 受 害 家 屬 說 ﹕ 「 走 了 的 人 也 不 想 我 們 意 志 消 沉 , 反 而 想 我 們 堅 強 完 成 他 們 的 志 向 。 」 語 調 堅 定 , 但 擋 不 住 男 兒 淚 。


阿 健 回 憶 , 母 親 生 前 愛 遠 足 , 阿 健 卻 從 未 陪 過 她 行 山 , 昨 晨 他 特 意 清 晨 起 床 , 走 母 親 最 愛 走 的 那 段 小 徑 , 表 達 對 母 親 的 思 念 , 「 希 望 大 家 珍 惜 眼 前 人 」 。

   By 西貢小姐 on Sunday, May 04, 2003 - 11:58 pm:  Edit

我係行山既時候
竟然見到地下有用過既口罩
好過份 ... ?
點解 d 人可以咁冇公德心

   By saikunger on Monday, May 05, 2003 - 6:31 am:  Edit

山上執垃圾乜都有, 錢除外

女性衛生用品我都執過

   By 阿誠 on Monday, May 05, 2003 - 10:48 am:  Edit

D香港人咁缺德, 等有D人仲死硬話要大力支持起條車路入D靚的自然風景區添, 方便一家大細坐車去.

see >> http://www.tailongwan.org 留言版

如果真係咁方便, D缺德既人仲唔蜂擁而至咩, 到時變埋垃圾崗, SARS污染區, 乜野自然美景都冇晒啦!

   By 老人家 on Monday, May 05, 2003 - 11:54 am:  Edit

果d衛生用品應該冇乜觀賞或其他價值,一般人見到都唔會執唧.可能我們之中有些人會想知道執黎做乜?

我敬佩這個公德心,但是認為不大值得鼓勵.可能有人誤會架!

好同意阿誠的觀點.呢個世界唔係樣樣野都可以當商品那樣推銷.你如果為了賺錢而推銷[法國大餐],d人唔識欣賞,簡直浪費,冇壞,因為呢個世界冇受到破壞.但是如果為了任何目的而去起條車路黎"推銷"郊遊,那麼便可能是[攪破壞],因為果d唔識欣賞郊野的人,通常都係唔識同唔關心郊野的人.咁就破壞大囉!

喜歡郊野的人自然會去找路去,根本無需起條車路,冇車路先至自然!

   By saikunger on Tuesday, May 06, 2003 - 8:50 am:  Edit

通常我都係獨行先執垃圾

同人地行山我只提醒佢地帶返D垃圾走, 如果我自己一路行一路執, 咁地唔執就好似好尷尬, 執又好似好委屈

耐不耐我就白日夢的想要求AFCD來個郊野不用紙巾同自備備水壺運動

真係唔明點解要用紙巾/膠樽同點解會就咁dump o係路邊, 難道紙巾/膠樽唔算垃圾?

   By Little Li on Tuesday, May 06, 2003 - 12:51 pm:  Edit

香港人真係冇得救!希望當局可以加強票控,捉到都係罰$600,其實罰$5000都嫌少啦!

   By DANNY on Wednesday, May 07, 2003 - 5:22 am:  Edit

以前有議員話現在經濟唔好,唔應該罰咁多,嘩!咁講野都得,冇人叫你做垃圾虫架,你唔決德又話之佢罰幾多,我話點止罰錢,遊街視眾差唔多。

   By on Wednesday, May 07, 2003 - 1:44 pm:  Edit

以前都有人提過以罰掃街代替罰錢, 其實我都好贊成, 一來等D垃圾蟲體會下清潔工人如何辛苦, 二來等D人唔好以為有錢交罰款唔至在就可以亂來, 三來唔駛D垃圾議員有得講"經濟唔好,唔應該罰咁多"的歪理.

不過另一D垃圾議員又話唔得, 因為會有侮辱性和侵犯人權喎. 嘩!你做垃圾虫損害其他市民享用清潔衛生環境的人權就得, 要罰你執返自己D蘇洲屎就話講人權. 仲有你D垃圾議員, 乜掃街係好下賤咩? 好侮辱咩? 如果唔係有人每日同你掃街倒垃圾, 你現在也只能住在垃圾堆中. 你自己根本就帶了歧視眼光, 仲扭橫折曲聲大夾惡扮有理!

典型的"只問社會可以給我甚麼, 不問我可以給社會甚麼"自私自利心態!

   By Isaac on Wednesday, May 07, 2003 - 5:40 pm:  Edit

>耐不耐我就白日夢的想要求AFCD來個郊野不用紙巾同自備備水壺運動

係la...都唔知點解要次次買支水...一次五蚊一年都五百蚊...慳埋都一年夠買幾個有喉水袋la...

   By eddie on Wednesday, May 07, 2003 - 8:05 pm:  Edit

我以前未有水袋, 會番用個膠樽.....

   By 西貢小姐 on Sunday, May 11, 2003 - 10:06 pm:  Edit

我就算用膠樽都會拎走下次再用

   By SL on Sunday, May 25, 2003 - 11:54 am:  Edit

看過一篇文章指美國一項研究顯示, 膠樽清洗太少會滋生細菌, 太多又會加速分解, 產生毒素

   By CSL on Thursday, March 29, 2007 - 8:43 pm:  Edit

適當清洗便無問題, 某歐洲國家規定膠樽要用上三十年, 故超市賣的飲料樽都是舊的。
其實除家中存放外, 逢出街行山都應該帶一兩個口罩連紙袋以備不時之需。


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration