行山-鬼村?

Hong Kong Hiking Web: 討論組 Forum: 行山資料分類 Hiking Subtopics: 知識 General Knowledge: 行山-鬼村?
   By diy on Sunday, May 03, 2009 - 5:47 pm:  Edit Posted From: 219.73.48.85

你 click 入去呢個網址睇下啦. 關於銷羅盤既. 睇下笑下咁啦

http://tv.sina.com.hk/cgi-bin/nw/show.cgi?id=3a407871f508064a

   By diy on Sunday, May 03, 2009 - 5:43 pm:  Edit Posted From: 219.73.48.85

好快銷羅盤, 現存既野會無晒. 個到有人樹立告示話會係 1 July 2009 實行封路. 唔俾外人到.
根據告示牌上話. 係由 乜乜鎖羅盤村委員會警告咁話. 個到D樹林都俾人鏟晒啦

   By RogerLAI on Friday, May 07, 1999 - 2:25 am:  Edit

有冇人知道鬼村的事跡?及其路線?

煩請回覆 chiptech@hkstar.com


行山-鬼村?

   By KinKin on Saturday, May 15, 1999 - 6:33 am:  Edit

You can go to Saw Lau Pun in North-East District, There is the palce you are looking for!

   By @ngel on Sunday, March 26, 2000 - 11:10 pm:  Edit

點解咁講?!!有段古o架??
鎖羅盤好正喎~唔好理咁多
都係咁行啦

   By 果廣閒人 on Wednesday, April 12, 2000 - 2:56 am:  Edit

鎖羅盤鬼話應原於此區於第二次世界大戰為游擊隊與日軍多次交戰場所。戰死或無辜被殺者多棄屍於此。四周村落亦十室九空。所以被傳為鬼村。

   By L.T.T. on Friday, August 04, 2000 - 7:07 pm:  Edit

我認為大嶼山爛頭營更似鬼村,因為:
1.大東山上很多日子都霧鎖峰頂,上到那兒忽然看見有屋,如登仙界,匪夷所思。
2.據聞爛頭營乃一班外國人在此興建,外國人(即鬼),該村豈非鬼村焉?

   By Alan on Thursday, October 19, 2000 - 2:13 pm:  Edit

there is no such village.
鎖羅盤村內2-3月遍地紫色花
邊有鬼, 鬼咁靚就真
my.jpg

   By hnnh on Saturday, September 01, 2001 - 7:13 pm:  Edit

西貢白沙澳是名符其實的"鬼村",點解?去行過未知law.

   By hiker the poor on Saturday, September 01, 2001 - 10:27 pm:  Edit

果度有左班鬼後,企理好多.

   By Tack on Saturday, September 01, 2001 - 11:10 pm:  Edit

哈~~~
我知你地講乜野啦
白沙澳,我住過,仲成日同班鬼傾偈添........
佢地好好人架~

   By Isaac on Wednesday, September 26, 2001 - 11:12 am:  Edit

唔係"佢地好好鬼"咩? :P

   By 鬼王 on Friday, September 28, 2001 - 8:45 am:  Edit

說到鬼村,奇怪沒有人提起大浪東的咸田.听說二次大戰日軍在那里殺了很多人.以前我在咸田的沙上行,,也可以看到沙下露出的人骨. 而大浪西山上的鹿湖廢村,傳過很多鬼故.有個村婦上山採粽葉,在廢村邊,一低頭就見到地上一個人頭望著她笑. 當地村婦一定在日落前落山的,從不敢逗留. 不過,我獨自在那儿過夜几次,也沒見過,只是覺得很不自然,好像有几個"人"在几丈外望我.當我跟大浪東村人說在鹿湖過夜,她們就大呼"陰功!你無事阿碼?" 那里教堂意大利神甫听到,也說"天主保佑你,天主保佑你,以后千祈唔好再去過夜". 那是28年前的事.

   By hen on Saturday, September 29, 2001 - 1:34 am:  Edit

一派胡言,亂作故事.

   By 鬼王 on Saturday, September 29, 2001 - 5:14 am:  Edit

Hen,
鬼神我也不信.但這村婦見鬼故事,當年流傳在行山友之間. 跟村民和神甫對話的是我自己.而且當年神甫是住在赤徑的教堂.如果你查詢一下當年旅行界有些名聲的人,好像 阿三黃,大腺雞,貓權, 鐵拐李, 蘇蝦, 金山伯, 另外一位現時某大學的系主任,或者以往叫 "琲" 的老臣子,就知道有這流傳,和我是誰了.

   By hen on Sunday, September 30, 2001 - 2:11 am:  Edit

不要持老賣老講鬼故迷惑青少年.

   By 鬼王 on Sunday, September 30, 2001 - 9:32 am:  Edit

凡人都應該有脾气,不過脾气不能亂用,嬲儭自己就唔好喇!再者,讀文章更加要小心留意人家用字,明白人家講什么。無端端嬲一餐! 嘻嘻嘻嘻嘻!

   By sps on Sunday, September 30, 2001 - 8:38 pm:  Edit

鬼王講鬼古,好好聽呀.仲有冇呀,請講多D.

   By eddie on Sunday, September 30, 2001 - 10:28 pm:  Edit

係o羅,話明係故仔,理佢係真定係假,好聽咪得o羅,做人凡事都唔好太過執著,平時生活都輕鬆愉快D,"放鬆D啦香港人!"

   By hen on Monday, October 01, 2001 - 1:53 am:  Edit

無端白事將d地方加上神秘色彩,對本地人和行山者並不見得有什麼好處.而且教壞細路.現在21世紀啦,仲宣傳什麼鬼神之說.信你都幼稚. 仲扮前輩.

   By Thomas on Monday, October 01, 2001 - 11:34 am:  Edit

鬼神之說是不應該渲染的,大家應該用現代人的眼光看待野外環境待.就算知道以前某地發生什麼事也不能表示証明什麼.與其說某地方有鬼,不如介紹多一些那些地方的歷史吧,讓後輩可以從中得益.

   By 森林 on Monday, October 01, 2001 - 12:42 pm:  Edit

雖然21世紀, 人不見得成熟, 依然幼稚!
以上當古仔聽o下未算籮! 細路o吾好亂發皮氣呀!
人地笑!

   By JJ on Tuesday, October 02, 2001 - 12:38 am:  Edit

喂! 你地講鬼故要有根據呀,咪吹水喎.
我要用來溝女架.

另外,某某老坑, 咪扮老資格. d 人名未死麻,未聽過.

   By 任我行 on Wednesday, October 03, 2001 - 2:54 pm:  Edit

乜咸田同鹿湖都有鬼? IYA.....
講比D FRIEND 知先, 有得笑都好呀!

   By siu keung on Friday, October 19, 2001 - 12:12 pm:  Edit

I don't know why people always relate unusual things to the Japanese occupation force. Lai Chi Chong and Tai Long Wan are all remote places in the 1940s. They were neither major battle sites nor strategically important strongholds. It is unreasonable for the Japanese to kill in massive scale there.
From my point of view, I would relate those human skeletons (in case there were!) in Tai Long Wan to the drown illegal immigrants!

   By 低微人 on Friday, October 19, 2001 - 6:29 pm:  Edit

何謂旅行界有些名聲

   By rock on Thursday, January 24, 2002 - 12:10 pm:  Edit

乃係商人用來生財之工具。我們只是在電影混和了自己的幻想製造出各式各樣鬼怪來威嚇他人。究竟有多少人能夠親身証實呢!
鬼話來講故仔還是十分受歡迎呢。

   By lawgay on Wednesday, May 22, 2002 - 11:03 am:  Edit

有冇人知道南固臺的事跡?

   By hihi on Wednesday, July 31, 2002 - 4:26 pm:  Edit

請問以上提到的"鎖羅盤村"在那兒?

   By eddie on Wednesday, July 31, 2002 - 9:03 pm:  Edit

>請問以上提到的"鎖羅盤村"在那兒?
新界東北部, 沙頭角對面的海岸。 通常行山去會由鹿頸或烏蛟騰出發。

   By 初哥 on Thursday, November 14, 2002 - 11:42 pm:  Edit

咸田有白骨好正常, 因村民都把先人埋在沙, 我老豆話我知的, 極可信, 因他和當地村民甚熟絡. 海風士多佢地都有份幫手起.

   By sai fai on Tuesday, February 11, 2003 - 4:04 pm:  Edit

初哥講得對, 因為的確咸田村的村民都把先人埋在沙, 所以我們統稱在咸田露營叫做"目訓上格床"

   By Isaac on Wednesday, February 12, 2003 - 11:48 am:  Edit

我著NB行澗...濕少少都死...

   By Isaac on Wednesday, February 12, 2003 - 11:49 am:  Edit

sorry...reply錯thread...

   By 瀟湘夜雨 on Friday, February 14, 2003 - 4:12 pm:  Edit

有一次去到鎖羅盆, 村民正在拜山

『紙錢兒緩緩的飛』

   By Kan on Saturday, February 15, 2003 - 9:42 am:  Edit

有次去到榕樹坳,見到有兩個大陸人用舢舨登岸,找那一袋金銀衣紙,仲問我們知不知道"土地公"在那.
之後見他們在堤堰上行走了一會,便回頭登舢舨走人.

   By 阿雲雞飯 on Saturday, March 01, 2003 - 2:41 pm:  Edit

有一次我爸去跑步,見到有三個鬼穿白衣白裙,佢好驚,連聲m唔敢出.仲有一次,佢行山的時候,見到一個骷髏頭,哇!......

   By 行山新丁 on Saturday, May 24, 2003 - 11:06 am:  Edit

hallo:
我自小見鬼, 其實係生命另一種存在方式, 物質不滅定
律喎. 試圖跟他們溝通, 未能成功(不是問米那套).等
我瓜左, 再話你知啦.

心中無鬼, 又何懼之有?

   By LC on Friday, August 01, 2003 - 2:06 am:  Edit

鎖羅盆村的確有點怪異.
廿多年前首度訪遊此村時已無村民,察看倚靠山坡的一列樓房,室內傢俱設施均保持完整,不像已搬遷那麼樣.
部份房屋更沒上鎖,好奇心驅使下推門探視,憶記室內桌上還放著早兩三年前的舊報紙,一些書信賬單之類. 牆上還有家庭照片.種種蹟像顯示該村村民同時離開,而且十分倉卒,原因未明.心裡忖測是否有甚麼怪事以致一下子人去樓空,未有久留,掩門離開.
往後多年均曾多次往遊, 多在路旁大屋前大休, 當時屋旁水喉仍然正常. 但該村房舍則漸漸被破壞. 大屋亦遭破門入內. 曾見遊人從室內取出檯椅在屋前使用(應該說偷取),大屋最終亦難逃厄運.
十多年前一之到訪,恰巧遇大批村民回家,正是大屋的主人,(當時屋還完好).傾談之間得知大部份村民都已移居英國. 另一些則僊往元朗或市區.那次是他們離去十年首度回家祭祖. 說不定甚麼年後還會否再回來. 我一行眾人還答應屋主經常看看他的袓屋, 說來真是遺憾.

   By 三文魚子 on Friday, August 01, 2003 - 11:14 pm:  Edit

居然重會有人返去,其實個頭咁焗,點解初頭會有人住係個度?

   By 紫龍 on Sunday, August 17, 2003 - 5:24 pm:  Edit

宇宙之大,人類知道的已經不多,更惶論瞭解。其實,那些在沒有真正研究或探討前便下結論否定「鬼」,甚至抱持嘲笑眼光的人才是真正的沒有科學精神。很多偉大的科學家也有其宗教信仰。
至於那些不能明白到人類知識的渺小,對大自然的未知沒有抱持尊重,虛心探索的人才是無之之輩。

   By pink lady on Sunday, August 17, 2003 - 11:19 pm:  Edit

是否有「鬼」, 不敢否定, 基於對「鬼」沒有真正研究或探討過.
人死後變「鬼」,我就唔會信.

   By 更嚴老師 on Monday, August 18, 2003 - 2:39 am:  Edit

認真無聊, 成日講鬼村, 根本香港無鬼村,成日捕風捉影, 小小解釋唔到就通通當有鬼辦.
信唔信有鬼, 科學唔科學 同亂吹香港的廢村為鬼村, 根本是兩個問題, 不要混淆視聽.
故亂作鬼村故事,對初行山的人會做成誤導, 所以對作這些垃圾故事的人必定要口誅筆伐, 以正視聽.

   By 老人家 on Monday, August 18, 2003 - 11:16 am:  Edit

信不信,是真是假,我們每個人都心裹有數.這個世界可以被形容為誤導的事物很多,你認為有益的,在別人來講,可能是有害的.你認為是無聊的,在別人來講,可能是有趣的.這個世界沒有絕對對的東西,也沒有絕對錯的東西,完全看你怎樣去看.如果我們想這個世界小一點爭執,多一點樂趣,最好能夠讓每個人都有機會,快快樂樂地說他們想說的話,而我們也應該尊重別人的想像力,和表達它的自由,而不是因為不符合自己的觀點便要口誅筆伐.我不會把這種傾向形容為家長式或專橫,因為我覺得不應因為人家的觀點與我不同便要攻擊別人是一個文明人要堅守的底線.但我也不期望因為我的觀點與別人不同而受到攻擊.

我覺得這些鬼故事有有趣的,有些不大有趣,但並無不妥.

   By 更嚴老師 on Monday, August 18, 2003 - 1:03 pm:  Edit

鬼故當然有趣, 但將香港地方與鬼故胡亂連結, 無中生有,則有些過份.

   By 老人家 on Monday, August 18, 2003 - 10:58 pm:  Edit

絕對理解和尊重你的觀點.

   By 隨遇而安 on Saturday, September 20, 2003 - 9:58 am:  Edit

有時行山知多啲歷史背景先行,仲好玩,好過一味得過行字,至於人哋將啲故事演繹成鬼故,也由得人啦,自己信,或者唔信都好,唔駛閙人嘛.

套用倪匡响衞斯理的說話:"將現今科學未能解釋的,就稱為不科學,這重態度本身就最不科學!"大家未見過鬼就話冇鬼,咁係咪要親身去過白宮,見過有布殊先信真有其人?

   By on Saturday, September 27, 2003 - 4:19 am:  Edit

同意,同意,完全同意.而且D鬼古都係聽下就算,為何太認真呢???

   By ngu on Thursday, October 30, 2003 - 10:04 pm:  Edit

*************************************************
將現今科學未能解釋的,就稱為不科學,這重態度本身就最不科學!"大家未見過鬼就話冇鬼,咁係咪要親身去過白宮,見過有布殊先信真有其人?
**************************************************
布殊不是鬼。有佢與否,與有否鬼魂,不能相提並論。

問題是若人死後真的變鬼,咁歷代死掉的人的總和,豈非仲多過目前的在生人口的總和?

   By PK on Saturday, November 01, 2003 - 9:53 am:  Edit

NQU, 你咁講都有可能, 人死就係鬼,鬼佔唔佔空間呢?唔知,如果唔佔,理論上無限都得,不過都係理論,無從証實,會唔會投胎呢,又唔知.會唔會鬼都會瓜柴,煙燒魂散呢,都唔知,反正迄今無人証明到鬼存在,亦無人証明到鬼唔存在(因為太多解釋唔到的事),小弟亦不敢下定斷有或冇,只不過想提出多一種思考方式比大家,所謂科學態度,有檢討必要.

布殊呢個例子,係有D誇張,不過想講一個POINT,你未見過布殊,你會唔會懷疑冇呢個人?唔會,因為有記者影相為証.
再舉個例,你未見過細菌係點樣,點解你唔懷疑究竟有冇呢?因為"科學家"用顯微鏡証實過. 咁點解你唔信有人真係見過鬼?會唔會某人唔係所謂"權威",就唔值得信?還係見鬼事件唔夠多,未夠"數據"?

討論至此,已經離"行山"太遠了,還係個句,鬼故也好,歷史事件也好,聽下無妨,講下無妨,總之行山各適其式,開心就得啦!

   By Ghost King on Friday, November 07, 2003 - 1:39 pm:  Edit

問題是若人死後真的變鬼,咁歷代死掉的人的總和,豈非仲多過目前的在生人口的總和?

No, Man became spirit (ghost) after died. But ghost become another creature once get birth in the rotation of lives.
Only those spirits didn't go through the rotation and stay in the space remained as ghost. The total number is not so much. Less than 1 million in China (+HK)

   By Isaac on Thursday, November 27, 2003 - 3:52 pm:  Edit

>問題是若人死後真的變鬼,咁歷代死掉的人的總和,豈非仲多過目前的在生人口的總和?

無論人死後會否變鬼,
"歷代死掉的人的總和"都係多個"目前的在生人口的總和"

我睇唔倒死左幾多人同變唔變鬼有咩關係...

   By ^^ on Friday, November 28, 2003 - 1:23 pm:  Edit

人死左係唔係變鬼?之後去左邊?你死左咪知囉!

或者等我死左,再搵你講你知囉!:P:P

   By $_$ on Sunday, November 30, 2003 - 8:15 pm:  Edit

成日講科學的人, 請看看"科學的迷信"一文, 看看你是否這一類人, 我看不到你的腦袋, 是否等於你沒腦袋? 我們不能證實, 只表示人類的能力還不能做到, 不表示不存在, 否則還需研究嗎?難道不知道有"反證"嗎? 今時今日, 求真的是精神還是那樣草率, 那不是迷信是什麼? 不過對象不是鬼神, 而是科學.

   By stat on Wednesday, December 03, 2003 - 10:59 pm:  Edit

>問題是若人死後真的變鬼,咁歷代死掉的人的總和,豈非仲多過目前的在生人口的總和?

不. 人死後大部分都會輪迴而轉世投胎, 只有極少遊魂野鬼冤魂不散, 才變成鬼. 所以存在於人鬼之空間的鬼魂數目不會多過目前的在生人口的總和.

   By 大look柱 on Thursday, December 04, 2003 - 7:15 am:  Edit

>>人鬼空間的鬼魂數目不會多過目前的在生人口的總和.

看過你的統計理論.可否計0下轉世輪迴有幾多人,遊魂野鬼又有多少呢?在生人口又有多少人呢?

   By STAT on Saturday, December 06, 2003 - 2:52 am:  Edit

人死後靈魂離開身體, 因為有心願未了或對前世依戀, 有七七四十九日限期停留於人世間, 但絕大部分最終都要轉世輪迴, 把前世之事完全洗刷而投胎再生. 因此你的袓先係保佑唔到你口既, 除非是厲鬼.
西片"人鬼情未了"男主角因為死於非命, 心有怨氣和依戀愛人, 便會停留在世. 直至心願了結或怨恨消解便得安息, 即轉世投胎. 只有那個鐵路惡鬼, 因為死得不明不白而且找不到兇手, 積怨很深, 未能超度才會化成厲鬼.
遊魂野鬼縱使存在一段時間, 亦會透過超度和怨氣消減而安息, 或仇人都已經過世, 冤魂亦告消散. 再者陰間是有機制捉拿鬼魂的, 只不過人(鬼)手不足做唔切.
單計香港, 以每一代60年算, 每天去世人數N人, 設每1000人只有1人化成厲鬼, 停留時間零年至最長六十年. 分配比例按自然衰敗比率. 香港現時遊魂野鬼數目約875隻.
最後要聲明,我不是相信或者不信有冇鬼神之說, 亦不是鼓吹迷信, 純粹從資料推測.

   By PK on Saturday, December 06, 2003 - 9:42 am:  Edit

咁有有可能計下呢班鬼既分佈,我地行山見鬼既機會率又有幾大呢?

   By stat on Saturday, December 06, 2003 - 9:38 pm:  Edit

冤魂通常多數會徘徊在他生前經常到過的,或者是他想找某人的地方. 因此只好按全港人口密度分佈.
還有一般人是看不見鬼的, 某些人叫陰陽眼的才看得見,而遊魂野鬼一般法力非常有限, 即使有亦不會蘇撓其他人.

   By ^^ on Saturday, December 06, 2003 - 11:20 pm:  Edit

諗o黎做乜,不如諗o下餘下人生點過啦!反正隨時做唔到人!

真係到你死左,咪一清二楚啦!或者你死左唔會做鬼呢!乜都係生人自己作o者!

   By hi on Saturday, February 21, 2004 - 9:37 pm:  Edit

HIHI

   By OK cat on Friday, March 05, 2004 - 1:59 pm:  Edit

中國古話, 人死為鬼, 鬼死為魙. 原來鬼也會死的, 但為甚麼死, 魙又是怎樣的一回事, 就不知道了.

   By on Saturday, March 06, 2004 - 3:23 am:  Edit

嗯~有意思,我捻鬼都會怕魙,就好似人怕鬼甘

   By walker lazy butt on Friday, March 12, 2004 - 12:32 pm:  Edit

Since nobody knows, let me hazard a guess what a 魙 is ...... it is ..... 人.

   By 行友甲 (218.253.202.138) on Saturday, September 04, 2004 - 11:53 pm:  Edit

聽講鎖羅盤之命名,係因為當入到村後,連睇風水用的羅盤都會被鎖住識郁,所以叫鎖羅盤。(我都係聽講O架咋,各位有興趣的話可以一試)。

   By 香港安西教練 (61.18.200.42) on Wednesday, October 06, 2004 - 8:58 pm:  Edit

唔好一講行山遇怪事,就話人地嚇人,以下是有根有據,你們可能找到有關領隊,問一問成件事.

自律保安全 責任人人有   口述:李駿偉
談貪玩迷蹤26小時      撰文:郭志標

 參加旅行團隊活動,好處是能夠互相照應,不過要是離隊,還請大家向工作人員確實表明去向,免生誤會,雙方掉以輕心,易生禍端。以下發生的事例,足令各領隊和參加者提高警惕。

 日前(九月十日)有隊往遊大嶼山彌勒山西部的蓮深石澗。當日氣溫太熱,一行二十四人,戴帽撐傘,似嫌曝炙,步伐放緩,部份邊行邊浸水以求降溫。行程上午先由大風坳起步,登象山澗踏東稜陡脊下走深屈引水道,時至中午,大隊稍入蓮深中源便大休。

 唯獨有行友陳某一人,因覺疲勞停留澗口嬉水休息,還向隊友聲稱「大休後,你口地行先」。遇此情況,領隊一般意識上不再等候,而且認為他不再前進,會沿引水道折回深屈道。氣溫高關係,大隊較原定起步時間推遲少許,好讓大家能充份休息。二點餘,領隊吹哨子召集各人起步,但陳某未再出現,各人估計他不再跟來便繼續向前邁進。

 近四點大隊順利離澗到達山頂,此刻最後一位行友趨前,向領隊表示自己離澗前,發現陳某正在右旁山脊摸林上山,曾向他高聲揚叫,指示入回澗中才是正途,但對方稱「毋須等候」。領隊聽後察看四周環境,知道山脊的灌木林不高,多費一小時亦能闖抵山頂,再沿山徑回昂坪。考慮沒有危險性,同行者亦認為可以不再等,於是繼續下半程活動。

 一宿無話,翌天早上十點餘,領隊在工作崗位接到消息,謂陳某整夜未回,家人已報案。領隊隨即與其家人聯絡,告知實情,安慰一番,然後再與警方聯絡,提供是日路線和懷疑遇事位置的地圖網位。

 稍後,領隊再被邀請協助,遂放下本身工作,以最快速度回家拿取裝備,再急趕車船至大嶼山長沙警署報到,再轉抵昂坪會合其他拯救人員。

 各人重新測定位置和計劃如何搜索行動,最後決定由領隊帶同數位拯救人員,由蓮池寺附近進入,行向陳某曾出現的山脊,打算由上向下找。而另一批則由蓮深中源的澗口進入,由下向上搜。如是者已是下午五時餘,行動預計在七時便收隊。素知搶救要分秒必爭,如是者已浪費整天時間,著實令人對失蹤者的安危擔心不已。再者拯救人員揹負著沉重裝備,在崎嶇山路上豈能行動迅速呢﹖

 正當行動進行中,突接消息謂失蹤者已在隔鄰澗口安全尋獲。至此各人鬆一口氣,搜索告終,陳某很快被安排與領隊會面,發覺他整日已未有進食,精神尚好,只是手腳多處被樹枝劃傷。

 問及事發經過,答謂只因個人貪玩,大休後沿脊摸林上山,在山頂郤不見大佛位置,於是轉從另一山脊摸向隔鄰山澗內,原意由澗出回深屈引水道。

 行至七點餘,迎面來了一穿白衫黑褲人士,懷疑是偷渡客,彼此沒有對話。最後感覺疲勞睡在大石上,半夜紮醒,望出澗口有亮了燈的巴士車輛駛過,高聲揚叫都沒有人回應。朦朧間再次睡著。翌天一早醒來,驚覺身邊的銀包內二百餘元不翼而飛,而僅餘的只是一張身份證。

 領隊聽後心覺一寒,照理地處僻遠,深谷坑澗內,偷渡客藏匿於此機會不大。況且澗口外沒有公路,何以半夜有車輛行走呢﹖單從昨天下什四點最後見他起計,大約有26小時之久才找到他,奇怪陳某一覺醒來後,何解整天還不走出澗呢﹖事件詭異,與當年南蛇迷蹤大有異曲同工之妙。

 今次陳某失蹤獲救,幸得家人找到他過往與某隊活動的電話號碼,經轉告後當日的領隊才知發生事故。基於道義上責任,領隊幸能迅速行動,否則後果不堪設想。

 汲取經驗,今後遠足攀澗活動,領隊與行友宜緊密合作。避免有人掉隊,隊尾宜加強殿後人手,如有足夠人手,則多放一人居中,擔任前後呼應工作。容易混淆的分叉路口,利用粉筆劃上箭咀,指示前進方向。坑中大休,行友不宜離開太遠,留意隊方宣佈起程時間。

 參加任何旅行活動,須衡量個人體能狀態,勉強成行,反招麻煩。遇有前路阻滯,宜自律地跟隨大隊,避免罔加斷語或另抄小徑,能力可及,不妨協助隊方共同進退。途中撤離,應先向工作人員認真確實表示去向,如罔顧隊規或勸喻而自行離隊,責任應自負。至於在登記簿留下聯絡電話,可以斟酌讓其自由填寫,萬一有事發生,方便通知其家人。

   By C瓜 (202.40.137.196) on Thursday, October 07, 2004 - 1:48 pm:  Edit

>>>聽講鎖羅盤之命名,係因為當入到村後,連睇風水用的羅盤都會被鎖住識郁,所以叫鎖羅盤。(我都係聽講O架咋,各位有興趣的話可以一試)。

唔該各位人仕多用腦根,吾好再講里D廢話!!如真有其事,鎖羅盤已成世界級景點!!:-)

   By Dicken (218.254.9.121) on Sunday, November 07, 2004 - 8:05 am:  Edit

>>>聽講鎖羅盤之命名,係因為當入到村後,連睇風水用的羅盤都會被鎖住識郁,所以叫鎖羅盤。(我都係聽講O架咋,各位有興趣的話可以一試)。
若是對的話,那媕閉O磁場異常
我看過一些解釋"靈異"的節目, 美國一間屋的廚具or其他東東會從櫃裡飛出來, 而且擺個波在地的話會滾向一邊, 但經探測後又發現間屋是與sea level平衡的
後來探測到這一切都是磁場的把戲

   By Ralph Chui (218.103.65.1) on Tuesday, June 21, 2005 - 12:41 pm:  Edit

By the memory, 1975's there were two persons *Father and Son living at 鎖羅盤 where there is the school at the front of the village and faced seafront. Since 1975's, when I planned the 3 days camping at North-East direction country park at New Terrority while that is my last schoollife of form 5 guraduation with the classmates, We lived at the school free of charge when got the permission from those two villagers. And, in the following few year of 1981's, I sometime visited the 鎖羅盤 and Sai Lun Kong-still is the fisher village with many kids. for that few years since 1981's, Gurkar soliders of Biritish military force/HK. They liked to spend the time for field trip and camping along the coastal line and station there & somewhere , the famous area, was biggest camp site at Sam Ah Village, and Kok Po, some target points of the solideres setting on the Fun Shun Au, LO Fun shek Teng, Shek Nga Tau,etc. I did not feel 鎖羅盤 was the 鬼村.

   By 閒雲野鶴 (219.77.158.129) on Thursday, October 27, 2005 - 10:40 pm:  Edit

其實(鬼)者信者有,不信者無,純綷在乎各人心中意念,靈異之說,全無根據,不過作為行山或露營時,茶餘飯後的論談,亦無可厚非!
在山野間見到的廢屋,廢村野草叢生,現得陰森可佈,(鬼村)之說,ㄧ傳百、百傳千,便不逕而走了,且越傳越恐佈,不明白的就信以為真了•

   By on Saturday, January 14, 2006 - 12:54 am:  Edit

我聽過人講鎖羅盤個名其實同羅盤完全無關係,只係因為之前佢叫鎖腦盤,之後ga人叫下叫下咪叫左鎖羅盤lo

   By hyakushiki on Saturday, January 14, 2006 - 9:26 pm:  Edit

講開鬼, 大家有無係分流果頭high過口野?

   By 藍*Paradise on Monday, April 03, 2006 - 2:56 am:  Edit

分流有咩事?

   By 教練 on Saturday, September 30, 2006 - 12:54 pm:  Edit

咦,我係分流o個面都遇過怪事....

一次係煎魚灣.

係o個度扎營,咁本來有第二班人係另外一邊扎,夜晚,感覺有點怪(詳程唔講啦),第二天早上,係一個迫到死的營裡面,三個人好迫咁一齊訓,點知第二日,中間o個個,居然倒轉o左,即係個腳係我地個頭,但係三個人都唔知,包括佢自己.

又好神奇地,另外班人,係夜晚,突然走得好急,掉低好多o野,例如氣槍,水煲,一隻鞋(點走呢),衫....

第二次係狗嶺涌.
咁有次係度扎營,好熱,一班人出o左去沙灘瞓,咁到零晨,十二點幾,其中一個靓仔,叫醒我,話有人用盞燈照我,咁我睇,真係係好遠,沙灘的一角,有一點光擺o下擺o下,咁我話,可能係船的燈(都好合理),再瞓,點知過o左半個鐘左右,佢好緊張咁同我講,話....唔係船,過緊來,我即係醒一醒,真係見到盞燈擺o下擺o下咁過來,真係嚇死,睇住佢過來,直到佢來到面前,係一男一女攞住大光燈,我同佢地打o左個招呼,佢地係....有影的.咁佢地行返去營地.

不過都係好唔明,狗嶺涌都好偏,點會十二點幾,會係個沙灘一邊走出來?第二日,又唔見佢地個營.個日天氣唔係咁好,又唔係假日,成個狗嶺涌得我地一個營,真係怪....,不過兩件事都成十幾二十年前了.

   By 香港安西教練 on Saturday, September 30, 2006 - 1:01 pm:  Edit

咦,我係分流o個面都遇過怪事....

一次係煎魚灣.

係o個度扎營,咁本來有第二班人係另外一邊扎,夜晚,感覺有點怪(詳程唔講啦),第二天早上,係一個迫到死的營裡面,三個人好迫咁一齊訓,點知第二日,中間o個個,居然倒轉o左,即係個腳係我地個頭,但係三個人都唔知,包括佢自己.

又好神奇地,另外班人,係夜晚,突然走得好急,掉低好多o野,例如氣槍,水煲,一隻鞋(點走呢),衫....

第二次係狗嶺涌.
咁有次係度扎營,好熱,一班人出o左去沙灘瞓,咁到零晨,十二點幾,其中一個靓仔,叫醒我,話有人用盞燈照我,咁我睇,真係係好遠,沙灘的一角,有一點光擺o下擺o下,咁我話,可能係船的燈(都好合理),再瞓,點知過o左半個鐘左右,佢好緊張咁同我講,話....唔係船,過緊來,我即係醒一醒,真係見到盞燈擺o下擺o下咁過來,真係嚇死,睇住佢過來,直到佢來到面前,係一男一女攞住大光燈,我同佢地打o左個招呼,佢地係....有影的.咁佢地行返去營地.

不過都係好唔明,狗嶺涌都好偏,點會十二點幾,會係個沙灘一邊走出來?第二日,又唔見佢地個營.個日天氣唔係咁好,又唔係假日,成個狗嶺涌得我地一個營,真係怪....,不過兩件事都成十幾二十年前了.


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration