行山路線難度釐訂

Hong Kong Hiking Web: 討論組 Forum: 行山資料分類 Hiking Subtopics: 知識 General Knowledge: 行山路線難度釐訂
   By Newhiker on Thursday, September 01, 2016 - 12:19 pm:  Edit Posted From: 202.175.20.98

新手可睇多啲人用文字講,好過睇有幾多星。

   By 閒人 on Monday, November 11, 2002 - 4:17 pm:  Edit

常見有人問:

某某山徑/石澗難度如何?

A君回應: 冇難度, 好易行.
可能A君是行山/行澗高手, 但問者未必是. 問者誤信A君的"冇難度"之言, 沒有作出心理/物質上準備, 及衡量自己能力, 貿然闖遊, 意外往往就此發生.

B君回應: 好難行, 有成4-5星難度.
可能B君是行山/行澗新手, 但問者未必是. 問者誤信B君的"高難度"之言, 臨陣退縮; 又或者行完這等4-5星難度路線, 覺得不外如是, 自此高估自己實力, 可能也為將來意外埋下伏線.

然而, 要將標準統一化, 可不是易事. 每一個人, 每一個旅行隊心目中的一星至五星都不同. 所以問者問難度, 答者回答難度, 如果兩者心目中標準不同, 根本是無甚意義, 錯信了則後果自負.

旅隊之中, 友峰會有詳盡解釋其釐訂難度的準則, 十分科學化, 很有參考價值. 然而, 並非每一隊, 每一位行友採用著相同尺度. 所以, 本人認為另一位網友eddie兄的意見 (見麥理浩徑條目), 甚為可取, 以最廣泛流傳, 最多人認識的難度作尺度. 即是:

行山路徑以政府釐訂的"四大遠足徑"星級為標準; 石澗路線則以"行澗專家"祁麟峰前輩所著"九大石澗"星級為標準.

雖然四大徑的重舖, 令實際難度較十年前相對降低, 然而為免混淆(因為政府不會因此修改四大徑星級), 其難度星級標準仍予以保留, 惟有將其它本屬二星, 三星, 四星等路線相應提高半星, 以方便作比較.

另外, 石澗難度相對於四大徑難度大約是:
石澗一星(梧桐石澗)=行山徑三星半 (比四大徑任何一段難行)
石澗二星(屏南石澗)也略難於山路四星(南蛇尖, 西狗牙)

另外, 行山徑去到4-5星級路線時, 很多時路較斜較險, 所以上山難度和落山難度有很大出入, 會有半星至一星差距(e.g.西狗牙). 石澗更幾乎全都如此(甚至有兩星差距!). 至於天氣狀況因素不贅, 行友可自行因應調節.

p.s. 本人以上建議, 參考了四大徑準則, 祈麟峰前輩兩部著作, 梁榮亨前輩的幾部著作, hkadventurer.com 等行山網頁及一些旅隊所訂標準, 本網頁的旅隊評級表, 及一些個人及跟隊遠足經驗總結所得. 然而由於本人行山經驗淺薄, 總免不了有主觀之處. 各位認同與否, 悉隨尊便.

   By 華仔 on Tuesday, November 12, 2002 - 4:14 pm:  Edit

分析好中肯啊.

   By Isaac on Wednesday, November 13, 2002 - 7:45 pm:  Edit

>另外, 石澗難度相對於四大徑難度大約是:
唔同野...跟本冇得比較!!

   By 閒人 on Wednesday, November 13, 2002 - 11:12 pm:  Edit

我也明白行山與行澗不同, 難以比較. 然而, 基於近年行澗風氣日盛, 網上資訊交流又極為方便, 行友很容易可找到有關石澗網頁. 可是, 很多行友不明所以, 看見兩星難度石澗以為就好像麥徑二段般易行, 結果險象橫生. 日前有位行山經驗不多的同事就是看了網頁上的資料, 去了屏南石澗, 結果回來後大吐苦水. 幸好這次他們是跟隊, 有其他行友途中扶持, 化險為夷, 平安回來. 故此, 也觸發本人貼上這文的動機. 其實本人早不奢望別人認同以上對難度的看法, 不過勉強的比較, 總比不作比較好. 否則的話, 又不知有多少人誤以為四大徑星級難度=石澗星級難度而令行山初哥們誤闖石澗險地. 還有, 梧桐石澗雖說是石澗, 其實與行山無異(至少祁生著作所介紹的路線是行旁邊山路, 而不是走入澗中), 所以也並非完全不可以比較的. 而且以上比較也可以讓已具相當行山經驗人士何時開展其石澗旅程提供一個方向. (當然也有人未行山先行澗, 未行麥徑先上黃龍, 而且仍行得很好, 但此乃異數.)

由於始終是主觀比較, 有錯也請各方前輩友好指正.

   By eddie on Thursday, November 14, 2002 - 12:56 am:  Edit

還有一種是綑邊, 由於所需技巧同玩澗接近, 所以一般都是以石澗難度黎評定。

要注意一般行山隊評定難度, 會比麥徑標準少一星, 例如蚺蛇尖會定為三星。

   By Y: on Thursday, November 14, 2002 - 6:14 pm:  Edit

其實無必要堅持那個難度是最正確的,
祁兩本書難度好唔同,三本書難度都有分歧,
而友峰將山路,攀難一同比較,就有一個情況:較難路線在3,4,5星,大城是3,鳳壁是5,其他都是4了,這樣難度有何意義?
在看每一個作者作品時,最好同此人的其他作品難度比較,而唔好堅持其他人的標準,否則必會後悔。好似四大徑, 祈麟峰, 梁榮亨, hkadventurer,香港瀑韻,山野之人,遨長山水間 ,或是活躍在本網的盧,帥,難度編定傾向各有特色。
p.s. 本人以上建議, 參考了各書各站,和本人多年行山行澗經驗,多年來行山意外原因。

   By S.S. on Friday, November 15, 2002 - 5:33 pm:  Edit

每一處隨你點行、幾時行都可有不同難度,雙鹿、橫涌....甚至任何一塊石都可有四、五星難度......

   By Isaac on Wednesday, November 20, 2002 - 8:16 pm:  Edit

>雙鹿、橫涌....甚至任何一塊石都可有四、五星難度......
講條成澗緊係計最易la!
唔係行馬路都可以7*la...爬上燈柱...

   By eddie on Wednesday, November 20, 2002 - 9:13 pm:  Edit

爬上中銀頂, 10*呀.....! :D:P

   By 夜鷹 on Monday, December 02, 2002 - 5:14 pm:  Edit

單憑星星判斷路線並不足夠,每條澗都有易行難行地方,並不如 1+1=2 般簡單。祈先生星星有唔同,可能因為經驗增加了,作出修改唔出奇。

在下認為,難度純粹參考,乃俾參與者一個考量,山澗同樣適用:
未行山新手就唔好行四五星山;未行澗新手就唔好試四五星澗,咁講會否較接近現實?

   By IVM on Saturday, October 25, 2003 - 11:54 am:  Edit

將難度分開新手和老手兩套系統來定,是否便減少了意見的分歧,又可達到較客觀和合理的標準呢?
當然,這還要靠各位前輩提出寶貴的意見哩。
若他日真能有一套由共識產生出來的標準有多好呀!
這也意味著大家努力的成果呢。

   By Isaac on Monday, October 27, 2003 - 4:36 pm:  Edit

>將難度分開新手和老手兩套系統來定,是否便減少了意見的分歧,又可達到較客觀和合理的標準呢?

點分新手老手都已經好難客觀la...
依d評級根本就係主觀o既...


Add a Message


You can use any username with password "hiking" to post. Registered users and moderators can also post messages here.
Username:  
Password:


Topics Profile Close Page Delete Page Move Page Log Out   Administration